Moskvaning SSKA klubi bosh murabbiyi Viktor Goncharenko "Ferensvarosh" klubiga (0:0) qarshi qayd etilgan natija haqidagi fikrlarini bildirdi.

Garchi, SSKA kecha durang natija qayd etgan bo‘lsada, pley-off bosqichiga chiqish mumkin bo‘lgan imkoniyatni saqlab qoldi.

"Albatta, bugun g‘alaba qozona olmaganimizdan g‘azabdamiz. O‘zimizning “qora an’anamiz”ga barham berib, bugun g‘alaba qozonishimiz shart edi. Bugun g‘alabaga juda yaqin edik, lekin yuzaga kelgan vaziyatlarni golga aylantira olmayapmiz. Asabiylashdik, tavakkalchilikga kamroq urg‘u berdik, hujumga tezkorlik bilan o‘tishda oqsadik", - dedi bosh murabbiy SSKA klubi rasmiy saytiga bergan intervyusida.

— «Ufa»ga qarshi uchrashuvda Sizni faqatgina natija xursand qilgan edi. Bugun nima xursand qildi?

— Bugungi uchrashuv va “Ufa”ga qarshi o‘yin saviya borasida ham, tarkib borasida ham farq qiladi. Himoyada yaxshi o‘ynashni boshladik, biroq, hujumda oqsashda davom etyapmiz.

— Magnussonni o‘rniga Nababkinni maydonga tushirishingizni qanday izohlaysiz?

— «Ferensvarosh» tarkibida tezkor futbolchilar bor, Xyordurning yosha katta va o‘yin oxirlarida charchab qolmoqda. Bizga tezkorroq futbolchi kerak edi raqib hujumlarini qaytarish uchun, shu boisdan shu qarorga keldim.

— Bugungi omadsizlikni nima bilan bog‘laysiz?

— Omadsiz seriyani davom ettirdik, tajriba borasida hujum chizig‘ida oqsadik. Qolaversa, to‘lib toshgan tribunalar bizga qarshi hayqirishdi, yuqoridagilarning barchasi bir bo‘lib omadsiz seriyamizni davom ettirishimizga sabab bo‘ldi.

—SSKAda matematik imkoniyat qoldi guruhdan chiqish uchun. Keyingi bosqichga chiqishni uddalay olarmikinsizlar?

— Balki Siz hayron qolarsiz, lekin biz so‘nggi kuchimizgacha harakat qilamiz.