Москванинг ЦСКА клуби бош мураббийи Виктор Гончаренко "Ференцварош" клубига (0:0) қарши қайд этилган натижа ҳақидаги фикрларини билдирди.
Гарчи, ЦСКА кеча дуранг натижа қайд этган бўлсада, плей-офф босқичига чиқиш мумкин бўлган имкониятни сақлаб қолди.
"Албатта, бугун ғалаба қозона олмаганимиздан ғазабдамиз. Ўзимизнинг “қора анъанамиз”га барҳам бериб, бугун ғалаба қозонишимиз шарт эди. Бугун ғалабага жуда яқин эдик, лекин юзага келган вазиятларни голга айлантира олмаяпмиз. Асабийлашдик, таваккалчиликга камроқ урғу бердик, ҳужумга тезкорлик билан ўтишда оқсадик", - деди бош мураббий ЦСКА клуби расмий сайтига берган интервьюсида.
— «Уфа»га қарши учрашувда Сизни фақатгина натижа хурсанд қилган эди. Бугун нима хурсанд қилди?
— Бугунги учрашув ва “Уфа”га қарши ўйин савия борасида ҳам, таркиб борасида ҳам фарқ қилади. Ҳимояда яхши ўйнашни бошладик, бироқ, ҳужумда оқсашда давом этяпмиз.
— Магнуссонни ўрнига Набабкинни майдонга туширишингизни қандай изоҳлайсиз?
— «Ференцварош» таркибида тезкор футболчилар бор, Хёрдурнинг ёша катта ва ўйин охирларида чарчаб қолмоқда. Бизга тезкорроқ футболчи керак эди рақиб ҳужумларини қайтариш учун, шу боисдан шу қарорга келдим.
— Бугунги омадсизликни нима билан боғлайсиз?
— Омадсиз серияни давом эттирдик, тажриба борасида ҳужум чизиғида оқсадик. Қолаверса, тўлиб тошган трибуналар бизга қарши ҳайқиришди, юқоридагиларнинг барчаси бир бўлиб омадсиз сериямизни давом эттиришимизга сабаб бўлди.
—ЦСКАда математик имконият қолди гуруҳдан чиқиш учун. Кейинги босқичга чиқишни уддалай олармикинсизлар?
— Балки Сиз ҳайрон қоларсиз, лекин биз сўнгги кучимизгача ҳаракат қиламиз.