Belgiyaning «Bryugge» klubi bosh murabbiyi Filipp Kleman “PSJ” darvozasiga belgilangan penaltini noaniq bajargan Mbaye Dianni jazoladi.
“Bryugge” YECHL doirasida Parijga safar uyushtirdi va “PSJ” klubi mehmoni bo‘ldi. Uchrashuv 1:0 hisobida mezbonlar foydasiga hal bo‘layotgan pallada, o‘yinning so‘nggi daqiqasida “Bryugge” foydasiga penalti belgilandi. Dian penaltini ishlagani uchun, uni o‘zi amalga oshirmoqchi bo‘ldi...
Xabarda aytilishicha, 11 metrli jarima to‘pini aslida Xans Vanaken tepishi kerak bo‘lgan, biroq, Dian uchrashuv so‘nggida qahramon bo‘lmoqchi bo‘ldi, biroq... Antiqahramonga aylandi.
Endi senegallik futbolchi jamoaning yaqin kunlardagi o‘yinlarini o‘tkazib yuborish bilan bir qatorda, moliyaviy jarimaga ham tortildi.