Бельгиянинг «Брюгге» клуби бош мураббийи Филипп Клеман “ПСЖ” дарвозасига белгиланган пенальтини ноаниқ бажарган Мбайе Дианни жазолади.
“Брюгге” ЕЧЛ доирасида Парижга сафар уюштирди ва “ПСЖ” клуби меҳмони бўлди. Учрашув 1:0 ҳисобида мезбонлар фойдасига ҳал бўлаётган паллада, ўйиннинг сўнгги дақиқасида “Брюгге” фойдасига пенальти белгиланди. Диан пенальтини ишлагани учун, уни ўзи амалга оширмоқчи бўлди...
Хабарда айтилишича, 11 метрли жарима тўпини аслида Ханс Ванакен тепиши керак бўлган, бироқ, Диан учрашув сўнггида қаҳрамон бўлмоқчи бўлди, бироқ... Антиқаҳрамонга айланди.
Энди сенегаллик футболчи жамоанинг яқин кунлардаги ўйинларини ўтказиб юбориш билан бир қаторда, молиявий жаримага ҳам тортилди.