Peru poytaxtida og‘ir atletika bo‘yicha jahonning eng kuchli sportchilari o‘rtasida Gran-pri musobaqasi bo‘lib o‘tmoqda. Musobaqaning ikkinchi kun dasturida o‘rta vaznli ishtirokchilar turnir g‘olibligi uchun kurash olib bordilar.

E’tiborlisi, -73 kilogramm vazn toifasida yurtimiz sharafini himoya qilgan Doston Yoqubov 3 ta bronza medalini qo‘lga kiritdi. Hamyurtimiz dast ko‘tarishda 142 kg, siltab ko‘tarishda 183 kilogramm va ikki kurash bo‘yicha 325 kilogramm natija qayd etdi.

Eslatib o‘tamiz, ushbu musobaqa Tokio Olimpiadasi uchun qimmatli reyting ochkolarini ham taqdim etadi. Unda ishtirok etgan 3 nafar o‘zbekistonlik og‘ir atletikachilar turnir davomida jami 1 ta oltin, 3 ta kumush va 4 ta bronza medallariga sazovor bo‘ldilar va yakunda uchala sportchimiz ham musobaqa sovrindorlari qatoridan joy olishdi.