Germaniya terma jamoasining texnik hamkori ushbu xato uchun kechirim so‘radi.
Germaniya terma jamoasining yangi formasida bir qator futbolchilarning familiyalarida xatolik yuzaga keldi.
Bild nashrining xabariga ko‘ra Yonas Xektorning familiyasi Hector o‘rniga Hecktor yozilgan bo‘lsa, Luka Valdshmidtning familiyasida ham shunga o‘xshash xatolik yuzaga kelgan: Waldschmidt o‘rniga Waltschmidt yozilgan.
Adidas kompaniyasining bosh kotibi Oliver Bryuggen Germaniya terma jamoasidan ushbu xato uchun kechirim so‘radi va kelajakda bunday xatolarga yo‘l qo‘yilmasligini aytib o‘tdi.
