Jahon chempionati 2022 saralashi doirasidagi O‘zbekiston - Saudiya Arabistoni uchrashuvidan keyingi matbuot anjumanining birinchi qismida Vadim Abramov o‘z fikrlarini bildirdi.
“Afsuski, mag‘lub bo‘ldik, haqqoniy yoki aksincha bo‘lganligini aytish qiyin. Afsuslar bo‘lsinki, shuncha muxlis kelgan o‘yinda yutqazdik va ularni xursand qila olmadik. Natija esa juda yomon. Hayot davom etadi, menimcha, hali imkoniyat bor va kurashishda davom etamiz.
Menimcha, Shomurodov yomon o‘ynamadi. Yig‘inga kech kelganiga qaramay yaxshi o‘ynadi. Afsuski, yigitlar 2:1 hisobi vaqtida aqlni ishlatmadi, aksincha hissiyotlarga berilib ketishdi.
To‘g‘ri aytdingiz, birinchi bo‘limdagi qo‘pol xatolarda futbolchi hayajonlangani sezilib qoldi. To‘g‘ri, qisqa vaqt ichida o‘yin uslubimizni o‘zgartirishimiz kerakligi oldindan ma’lum edi. Balki himoyada bunga erisha olmagandirmiz.
Ahmedovning himoya chizig‘ida o‘ynagani haqida...
Mag‘lub bo‘lganimizdan keyin bemalol xato deyishingiz mumkin. Agarda yutganimizda bu umuman xato bo‘lmasdi. Ahmedov, menimcha, himoyada yaxshi o‘ynadi.
Krimesda kichik kamchilik bor, tezlik olishi biroz sekinroq. O‘z maydonimizda o‘yin o‘tkazishimiz sababidan tezkor himoyachilarni maydonga tashladik. Ko‘ramiz, kelajakda nima bo‘lar ekan.
Tayyor g‘alabani qo‘ldan boy berganimiz haqid...
Hozirgina aytganimdek, bugun hissiyot aqldan ustun keldi. Yigitlar uchinchi golni urishga intildi. Saudiyada esa ikkinchi bo‘limda deyarli yaqqol imkoniyatning o‘zi bo‘lmadi. Ammo so‘nggi daqiqalardagi rikoshet va uchinchi gol umuman tushunarsiz chiqdi. Himoyachilar oldinga o‘tib ketaverdi. Xuddi muxlislar qo‘llab-quvvatlovi shunga undayotgandek. Ammo baribir ham aqlni yig‘ib olmadik.
