Angliya terma jamoasi bosh murabbiyi Garet Sautgeyt Chernogoriya terma jamoasining yirik hisobda mag‘lubiyatga uchratganidan keyingi fikrlarini bildirib o‘tdi.

— O‘tgan safar reyting borasida ancha past bo‘lgan, ammo, bor kuchi bilan himoyalanadigan terma jamoaga qarshi o‘yinda muammolarga duch kelgandik.Biroq, tarkibimizda bunday himoyani yorib o‘ta oladigan futbolchilar bor. Maydonning har bir qismida to‘g‘ri harakatlanishimiz kerak. Biz raqibga vaziyat sodir etishi uchun imkon berib qo‘ydik, ammo bunday qilmasligimiz kerak. Biz o‘yinda to‘psiz o‘ynash ustida ham ishlashimiz kerak. Biroq, o‘sishda davom etyapmiz. Birinchi bo‘limda hujumda ajoyib o‘yin namoyish etdik. Guruhdagi barcha uchrashuvlarda g‘alaba qozonishni o‘ylagan edik, biroq, buni amalga oshira olmadik, — dedi Sautgeyt UEFA rasmiy saytiga.