Kataloniyaning «Barselona» klubi hujumchisi Lionel Messi o‘yin yakuniga yetganidan keyin futbolka almashtirish haqida gapirib o‘tdi.
Argentinalik futbolchi o‘z qonunlariga asosan boshqa futbolchilardan futbolka almashtirish uchun futbolka so‘ramasligini tan oldi. Ammo, uning vatandoshi raqib jamoasida o‘ynasa bu qonuni o‘zgarishi mumkin.
«Men odatda futbolchilardan futbolka so‘ramayman, so‘raganlari bilan almashtiraman. Ammo, bir marta Zidandan futbolka so‘raganman. Umuman olganda agar vatandoshim raqib jamoada to‘p sursa u bilan futbolka almashtiraman. Agar mendan hech kim futbolka so‘ramasa, men ham hech kim bilan futbolka almashtiramayman va so‘ramayman ham», - dedi Messi TyC Sports saytiga bergan intervyusida.
Eslatib o‘tamiz, Messi «Barselona» klubi sharafini 2004 yildan beri himoya qilib keladi. Uning amaldagi shartnomasi 2021 yili o‘z yakuniga yetidi.