"Liverpul", "Chelsi" va "Nyukasl" klublari sobiq bosh murabbiyi Rafael Benites ayni paytda Xitoyning "Dalyan Ifan" jamoasini boshqarib bormoqda. Ispaniyalik mutaxassisning fikricha, u kelajakda APLga qaytish niyatida.
— Men Angliya Premyer-ligasidagi barcha klublarni kuzatib boraman. Men haliyam barcha futbolchilar haqida bilishim shart. Men "Dalyan Ifan" klubida baxtliman va ular ham mendan qoniqishmoqda. Bu yerda yaxshi natijalarga erishishni juda xohlayman. Ammo, kelajakda Angliyaga qaytishni istayman. U yerda mening oilam yashaydi va Angliya futbolini juda yaxshi ko‘raman. Biroq, ayni paytda butun diqqat-e’tiborim Xitoyda ishlashga qaratilgan, - dedi Benites Radio 5 Live radioasiga bergan intervyusida.