Portugaliya terma jamoasi saralash bosqichi guruh o‘yinlarida Ukraina terma jamoasidan keyin ikkinchi o‘rinni egalladi, shu sababli, Yevro-2020 qur’a tashlash marosimining uchinchi savatchasidan joy oldi. Portugaliya shu tariqa birinchi savatchadan joy olgan Italiya terma jamoasiga guruhda raqib bo‘lishi mumkin.
"Portugaliyaning uchinchi savatchadan joy olishi – mantiqsizlik", — dedi Italiya terma jamoasi bosh murabbiyi Roberto Manchini Rai Sportga bergan intervyusida.
"Ular Yevropaning kuchli terma jamoalari biri, Yevropa chempionatining amaldagi chempioni... Lekin, faqat olti terma jamoa birinchi savatchadan joy olishi mumkin, shuning uchun qaysidir terma jamoa ikkinchi yoki uchinchi savatchaga o‘tkazilishi shart edi, bu Portugaliya bo‘ldi. Endi ular qur’ada bizga raqib bo‘lishlari hech gap emas”,-deya qo‘shimcha qildi Manchini.
Yevro-2020ga qur’a tashlash marosimi 30 noyabr kuni bo‘lib o‘tadi. Ukraina terma jamoasi guruhda Gollandiya terma jamoasi bilan aniq o‘ynaydi. Qolgar raqiblari qur’a jarayonida ma’lum bo‘ladi.
