Португалия терма жамоаси саралаш босқичи гуруҳ ўйинларида Украина терма жамоасидан кейин иккинчи ўринни эгаллади, шу сабабли, Евро-2020 қуръа ташлаш маросимининг учинчи саватчасидан жой олди. Португалия шу тариқа биринчи саватчадан жой олган Италия терма жамоасига гуруҳда рақиб бўлиши мумкин.
"Португалиянинг учинчи саватчадан жой олиши – мантиқсизлик", — деди Италия терма жамоаси бош мураббийи Роберто Манчини Rai Sportга берган интервьюсида.
"Улар Европанинг кучли терма жамоалари бири, Европа чемпионатининг амалдаги чемпиони... Лекин, фақат олти терма жамоа биринчи саватчадан жой олиши мумкин, шунинг учун қайсидир терма жамоа иккинчи ёки учинчи саватчага ўтказилиши шарт эди, бу Португалия бўлди. Энди улар қуръада бизга рақиб бўлишлари ҳеч гап эмас”,-дея қўшимча қилди Манчини.
Евро-2020га қуръа ташлаш маросими 30 ноябрь куни бўлиб ўтади. Украина терма жамоаси гуруҳда Голландия терма жамоаси билан аниқ ўйнайди. Қолгар рақиблари қуръа жараёнида маълум бўлади.