Xabaringiz bor, biroz avval “Bunyodkor” futbolchisi Jasur Jaloliddinov  keyingi mavsumni Italiya V Seriyasi klubi “Benevento” safida davom ettirishi to‘g‘risida xabar bergan edik.

Futbolchi bilan bog‘landik va uning fikrlari bilan qiziqdik.

– Avvalambor uzoq kutilgan g‘alaba bilan tabriklayman. Bugungi o‘yin haqida nima deya olasiz?

– Bu g‘alabani uzoq kutdik. OCHLga chiqishni maqsad qilganmiz. Qolgan ikki o‘yin ham finalga teng bo‘ladi. Bor kuchimizni ishga solib ko‘zlangan maqsadga erishamiz degan umitdaman.

– Bugun mana yana “Bunyodkor” asosiy tarkibiga qaytdingiz. Nima sababdan maydonga tushmayotgan edingiz?

– To‘g‘risi, “Bunyodkor”da maydonga tushmaganimga ancha bo‘lgandi. Shu sababdan muxlislarimiz qarshisida o‘ynashni juda sog‘ingan edim. Qaytishim omadli chiqdi va g‘alaba qozondik. “Bunyodkor”da o‘ynashning gashti bor.

– Keyingi mavsumni Italiyaning “Benevento” klubi safida davom ettirishingiz to‘g‘risidagi xabarlar tarqaldi. Bu haqida qanday fikrdasiz?

– Bu xabarlar rost!

– Hammaga ma’lum Italiya chempionatida jismonan baquvvat futbolchilar to‘p suradi bu sizga qiyinchilik to‘g‘dirmaydimi?

– Gapingizga qo‘shilaman, lekin bunday katta imkoniyat bo‘lib turganda har qanday qiyinchilikka tayyorman.

– Qachon tibbiy ko‘rikdan o‘tish uchun Italiyaga jo‘nab ketasiz?

– Italiyaga dekabrda ko‘rikdan o‘tish uchun borib kelaman. Agar hammasi yaxshi amalga oshsa, iyundan jamoa safiga qo‘shilaman.

Jaloliddin Qobiljonov suhbatlashdi.