Yevropa chempionlar ligasining "S" guruhidan keyingi bosqichga chiqqan dastlabki jamoaning nomi aniq bo‘ldi.

"Manchester Siti" klubi o‘z uyida "Shaxtyor"ni qabul qilib, g‘alabani qo‘ldan chiqardi. Ikkinchi bo‘lim bo‘lim boshida Gyundogan hisobni ochgan bo‘lsa, oradan 13 daqiqa o‘tib ukrainaliklar hisobni tenglashtirishga muvaffaq bo‘ldi. Mazkur 1 ochko ham Gvardoila shogirdlariga guruhda g‘olib chiqish uchun yetarli bo‘ldi.

Musobaqa debyutanti — "Atalanta" esa 5-turga kelib, nihoyat, g‘alaba qozonishga muvaffaq bo‘ldi. Birinchi bo‘lim o‘rtalarida Muriel o‘zi ishlagan penaltidan samarali foydalangan bo‘lsa, ikkinchi bo‘lim boshida Gomes Zagrebning "Dinamo" jamoasi darvozasiga ikkinchi golni urdi.

Ushbu g‘alaba tufayli italiyaliklar o‘z ochkolarini 4taga yetkazib olishdi. So‘nggi turda "Atalanta" hozirda 6 ochko to‘plab turgan "Shaxtyor" maydoniga safar uyushtiradi. Zagrebliklar hisobida esa 5 ochko mavjud.

Yevropa chempionlar ligasi, "V" guruhi. 5-tur
"C" guruhi, 5-tur
Manchester Siti Angliya – Shaxtyor Ukraina 1:1 (0:0, 1:1)
Gollar: 1:0 – 56 Gyundogan, 1:1 – 69 Solomon.
Manchester Siti – Ederson, Otamendi, Anxelinyo, Joau Kanselu, Fernandinyo, Gyundogan, de Bryuyne (Silva, 70), Bernardu Silva, Rodri Ernandes (Foden, 76), Sterling, Gabriel Jezus.
Shaxtyor – Pyatov, Dodo, Matviyenko, Ismaili, Krivsov, Alan Patrik, Kovalenko (Markos Antonio, 81), Tete, Stepanenko, Konoplyanka (Solomon, 65), Morayes (Sikan, 90).
Ogohlantirish: Fernandinyo (90).
 
Atalanta Italiya – Dinamo Zagreb Xorvatiya 2:0 (1:0, 1:0)
Gollar: 1:0 – 27, penalti Muriel, 2:0 – 47 Gomes.
Atalanta – Gollini, Gosens, Toloi, Palomino, Xatebur (Kastan, 65), Gomes (Malinovskiy, 90), Froyler, Pashalich, de Ron, Kyer, Muriel (Ilichich, 61).
Dinamo Zagreb – Livakovich, Stoyanovich (Jira, 75), Teofil-Katrin, Perich, Leovas, Ivanushes (Goyak, 67), Olmo (Shitum, 90), Orshich, Ademi, Dilaver, Petkovich.
Ogohlantirishlar: Teofil-Katrin (13), Perich (19), Toloi (41), Pashalich (65), Ademi (74).