O‘zbekiston Superligasi 25-turidan o‘rin olgan “Paxtakor” – “Bunyodkor” jamoalari o‘rtasidagi o‘yin yakunlandi. O‘yindan keyingi matbuot anjumanining birinchi qismida “sherlar” ustozi Shota Arveladze ishtirok etib savollarga javob berib o‘tdi.

“Ikki jamoa ham g‘alaba uchun o‘ynadi. O‘yinni yomon boshladik. “Bunyodkor”ning maqsadi OCHLga yo‘llanma olish ekanligini bilardik. Futbolchilar boshida ularga o‘ynashga qo‘yib berishdi, ammo keyin ular xatosini tushunib yetdi.

Uchinchi golni o‘z xatoyimiz sababli o‘tkazib yubordi. “Paxtakor” futbolchilarini ham raqibni ham tabriklayman.

Menimcha, bugun hech qanday taktik o‘yin bo‘lmadi. Men raqibdan shunday agressiv o‘yin kutgan edim.  Ulardan syurpriz kutmagandim. Biz durang uchun o‘ynamadik. Futbolchilar 10-fevraldan buyon to‘xtamay o‘ynamoqda. Ularni mag‘lubiyatsiz uzun seriya bilan tabriklayman. Xatolar doim bo‘ladi, ularni ustida ishlashda davom etamiz”, -deya Arveladze so‘zlarini keltirmoqda Stadion.uz nashri muxbiri.