Ўзбекистон Суперлигаси 25-туридан ўрин олган “Пахтакор” – “Бунёдкор” жамоалари ўртасидаги ўйин якунланди. Ўйиндан кейинги матбуот анжуманининг биринчи қисмида “шерлар” устози Шота Арвеладзе иштирок этиб саволларга жавоб бериб ўтди.

“Икки жамоа ҳам ғалаба учун ўйнади. Ўйинни ёмон бошладик. “Бунёдкор”нинг мақсади ОЧЛга йўлланма олиш эканлигини билардик. Футболчилар бошида уларга ўйнашга қўйиб беришди, аммо кейин улар хатосини тушуниб етди.

Учинчи голни ўз хатойимиз сабабли ўтказиб юборди. “Пахтакор” футболчиларини ҳам рақибни ҳам табриклайман.

Менимча, бугун ҳеч қандай тактик ўйин бўлмади. Мен рақибдан шундай агрессив ўйин кутган эдим.  Улардан сюрприз кутмагандим. Биз дуранг учун ўйнамадик. Футболчилар 10-февралдан буён тўхтамай ўйнамоқда. Уларни мағлубиятсиз узун серия билан табриклайман. Хатолар доим бўлади, уларни устида ишлашда давом этамиз”, -дея Арвеладзе сўзларини келтирмоқда Stadion.uz нашри мухбири.