Sport.ua nashri kuni kecha Gvardiola tomonidan berilgan qiziqarli intervyuni e’lon qildi. Ushbu intervyudagi qiziqarli savollarga javoblarni e’tiboringizga havola etamiz.
Sizning azaliy raqiblaringizdan biri bo‘lmish Joze APLga qaytdi. Sizningcha u Angliya futboli va «Tottenhem» uchun nimalarni berishga qodir?
Menimcha siz uni mendan yaxshiroq bilasiz. Siz uni bir nechta klublardagi faoliyatini kuzatib borganga o‘xshaysiz. Men faqatgina uni ortga qaytgani bilan tabriklay olaman. U kuchli va tajribali murabbiy. Uning yangi jamoasidagi ishlariga omad tilayman.
«Tottenhem» jamoasi Pochetinyoni ishdan olgani sizni hayron qoldirdimi?
To‘g‘risi, biroz hayron qoldim. Sababi, Pochetinyo klub uchun katta hajmdagi ishni bajargan edi. Menimcha murabbiyning hizmatlarini u erishgan yutuqlar bilan o‘lchash noto‘g‘ri. Uning uchun afsusdaman. Menimcha «Tottenehem» uning qo‘l ostida kuchliroq ko‘rinayotgan edi. Qanday qilib uni chetga surib tashlashga qaror qilishdi. Ochig‘i, ushbu qaror o‘zini qanchalar oqlashi haqida biror nima demoqchi emasman. Nima bo‘lganda ham qaror qabul qilindi. Bu borada ortiqcha so‘zlashning xojati yo‘q.
Siz yaqinda Rahim Sterling bilan muloqat qildingiz. Uni Angliya terma jamoasidan Jo Gomez bilan janjal sababli chetlatilganidan so‘ng, kayfiyati qanday?
Unda hammasi yaxshi. U bilan gaplashib oldik. U ajoyib yigit. Rahim bilan chiqishib ketish juda oson. Gomez bilan bo‘lib o‘tgan voqeyadan men ham ranjidim. Shogirdimning qarorini oqlamoqchi emasman. Shu o‘rinda uni qoralash niyatim ham yo‘q. Bo‘lgan ish bo‘ldi, hozir bu mavzu haqida gapirib unga bo‘lgan bosimni oshirmoqchi emasman. Mening rejalarimda uning o‘rni juda beqiyos.
«Chelsi» Lempard qo‘l ostida qanchalar o‘zgardi deb hisoblaysiz?
Aslida «Chelsi» ancha yillardan beri top darajadagi futbol klubi hisoblanadi. Lempard qo‘l ostida esa, vaziyat sira o‘zgargani yo‘q. U jamoa tepasiga kelgan kuniyoq o‘zini ko‘rsatishga muvaffaq bo‘lgan edi. Hozirga kelib natijalar ham yaxshilanib bormoqda, Gap shundaki, u o‘z g‘oyalarini o‘zgartirgani yo‘q. hozir barchaningizning oldida Lempard uchun xursandman deb aytishim mumkin, biroq men uni deyarli tanimayman. Shunday bo‘lsada, u haqida eshiganlarimga suyanadigan bo‘lsam, u judayam yaxshi inson va unga kelakakda omad tilayman. Umuman olganda ingilizlar uchun Lempard boshlagan ish ajoyib motivasiya taqdim etmoqda. Bu ingiliz futbolchi uchun juda foydali voqeya bo‘ldi. Yosh ingliz murabbiyi o‘zining yosh shogirdlari bilan ajoyib natijalarni qayd etmoqda. Bunday jamoa Angliya terma jamaosi va «Chelsi» uchun katta naf keltirishiga ishonchim komil.
