Angliyaning "Liverpul" klubi bosh murabbiyi Yurgen Klopp APLning 14-tur doirasida "Brayton" klubiga qarshi bo‘lib o‘tadigan uchrashuv haqidagi fikrlari bilan o‘rtoqlashdi.
"Ular to‘g‘ri o‘yin namoyish etishmoqda. "Manchester Siti" klubiga qarshi ular 48% to‘pni nazorat qilishdi, bu ajoyib ko‘rsatkich. Men "Brayton" klubini hurmat qilaman. Ularning biz bilan bo‘ladigan uchrashuvga tayyorgarlik ko‘rish uchun butun hafta vaqti bo‘ldi va ular bizning maydonimizga ochko olish uchun tashrif buyurishadi, bu 100 foiz aniq. Biz “Napoli” klubiga qarshi qiyin kechgan uchrashuvdan uch kun o‘tib o‘yin o‘tkazishga majburmiz, - germaniyalik mutaxassisni so‘zlaridan iqtibos keltirmoqda "Liverpul" rasmiy sayti.













