Bugun Andijon shahridagi markaziy "Sog‘lom Avlod" stadionida "Coca Cola" Superligasining 26-tur doirasida bo‘lib o‘tadigan "Andijon" hamda "Qizilqum" jamoalari o‘rtasidagi uchrashuv davom ettiriladi.

Aslida uchrashuv kecha bo‘lib o‘tishi kerak edi. Ammo, uchrashuvning 52-daqiqasida tumanning keskin quyuqlashib ketganligi sababli, ko‘rish darajasi pastlab ketdi va uchrashuv rasmiylari Reglamentga asosan o‘yinni 30 daqiqaga qoldirishdi.

Ammo, oradan 30 daqiqa o‘tgach, vaziyat yaxshilanmadi, natijada yana 30 daqiqa kutildi. Biroq, tuman quyunlashgani sari quyunlashdiki, ammo, ko‘tarilmadi.

Natijada uchrashuv nazoratchi, komissari va bosh hakami O‘zPFLdagi rasmiylar bilan maslahatlashgan holda, har ikki klubga o‘yinni 1 dekabr soat 12:00da davom ettirishi taklifini o‘rtaga tashladi. Klublar bunga rozilik berishdi va shu tariqa o‘yin qoldirildi.

Bugun soat 12:00da "Andijon"-"Qizilqum" jamoalari o‘rtasidagi uchrashuv "Sog‘lom Avlod" stadionida soat 12:00da o‘yinning 52-daqiqasidan davom ettiriladi.

Kecha sotib olingan chiptalar o‘z kuchida qoladi va stadionga bemalol kirish mumkin.

Jamoalarning kechagi o‘yin uchun taqdim etilgan boshlang‘ich tarkiblari o‘zgarmaydi.

Superliga, 26-tur. 12:00
«Andijon» - «Qizilqum» - 0:0 (52-daqiqadan so‘ng)
"Andijon": Akmal Ortiqov, Boburjon Akbarov, Ildar Mamatkazin, Xushnud Avilov, Farhod Miraxmatov, Farhod Bekmuratov, Dilshod Rahmatullayev, Qahramov Bahodirov, Abdurahmon Abdulhaqov, Ro‘zimboy Ahmedov, Shahzodbek Ubaydullayev.
"Qizilqum": Artyom Makosin, Akmal Rustamov, Alisher Sanoyev, Fayzulla Qambarov, Peter Steven, Muhsinjon Ubaydullayev, Azizbek Usmonov, Ruslan Magdiyev, Vohid Shodiyev, Mate Vatsadse, Doston Ibragimov.
Hakamlar: Viktor Serazitdinov, Rishat Nugmanov, Shoxrux A’zamov, Abdurashid Xudayberganov.
Nazoratchi: Andrey Tambovsev.
Komissar: Oybek Yunusov