Бугун Андижон шаҳридаги марказий "Соғлом Авлод" стадионида "Coca Cola" Суперлигасининг 26-тур доирасида бўлиб ўтадиган "Андижон" ҳамда "Қизилқум" жамоалари ўртасидаги учрашув давом эттирилади.

Аслида учрашув кеча бўлиб ўтиши керак эди. Аммо, учрашувнинг 52-дақиқасида туманнинг кескин қуюқлашиб кетганлиги сабабли, кўриш даражаси пастлаб кетди ва учрашув расмийлари Регламентга асосан ўйинни 30 дақиқага қолдиришди.

Аммо, орадан 30 дақиқа ўтгач, вазият яхшиланмади, натижада яна 30 дақиқа кутилди. Бироқ, туман қуюнлашгани сари қуюнлашдики, аммо, кўтарилмади.

Натижада учрашув назоратчи, комиссари ва бош ҳаками ЎзПФЛдаги расмийлар билан маслаҳатлашган ҳолда, ҳар икки клубга ўйинни 1 декабрь соат 12:00да давом эттириши таклифини ўртага ташлади. Клублар бунга розилик беришди ва шу тариқа ўйин қолдирилди.

Бугун соат 12:00да "Андижон"-"Қизилқум" жамоалари ўртасидаги учрашув "Соғлом Авлод" стадионида соат 12:00да ўйиннинг 52-дақиқасидан давом эттирилади.

Кеча сотиб олинган чипталар ўз кучида қолади ва стадионга бемалол кириш мумкин.

Жамоаларнинг кечаги ўйин учун тақдим этилган бошланғич таркиблари ўзгармайди.

Суперлига, 26-тур.
«Андижон» - «Қизилқум» - 0:0 (52-дақиқадан сўнг)
"Андижон": Акмал Ортиқов, Бобуржон Акбаров, Ильдар Маматказин, Хушнуд Авилов, Фарҳод Мирахматов, Фарҳод Бекмуратов, Дилшод Раҳматуллаев, Қаҳрамов Баҳодиров, Абдураҳмон Абдулҳақов, Рўзимбой Аҳмедов, Шаҳзодбек Убайдуллаев.
"Қизилқум": Артём Макосин, Акмал Рустамов, Алишер Саноев, Файзулла Қамбаров, Петер Стевен, Муҳсинжон Убайдуллаев, Азизбек Усмонов, Руслан Магдиев, Воҳид Шодиев, Мате Ватсадце, Достон Ибрагимов.
Ҳакамлар: Виктор Серазитдинов, Ришат Нугманов, Шохрух Аъзамов, Абдурашид Худайберганов.
Назоратчи: Андрей Тамбовцев.
Комиссар: Ойбек Юнусов