Italiyaning “Inter” klubi bosh murabbiyi Antonio Konte SPAL klubi ustidan qozonilgan g‘alaba haqidagi fikrlari bilan o‘rtoqlashdi.
"Qatti mehnat albatta o‘z samarasini beradi, – dedi Sky Sport Italia portaliga. – Turnir jadvalining yuqori o‘riniga ko‘tarilishimiz bizni g‘ururlantiradi va qo‘shimcha kuch bag‘ishlaydi. Ammo, biz ishonch bilan g‘alaba qozonishimiz kerak, chunki, kichik hisobda oldinda borayotgan bo‘lsangiz har qanday xato o‘yinni tubdan o‘zgartirib yuborishi mumkin".
"Biz maydonga chiqayotganimizda “Yuventus” ikki yo‘qotganini eshitgandik, ammo, men o‘z futbolchilarimga o‘z o‘yinimiz haqida o‘ylashimiz kerakligini, raqibni qoqilishini kutib yashamaslik kerakligini aytib kelaman. Shundagina muvaffaqiyat tasodifiy bo‘lmaydi".
