Xabar berganimizdek, ayni kunlarda Xitoyning Tyanszin shahrida og‘ir atletika bo‘yicha Jahon kubogi bo‘lib o‘tmoqda. Bugun ayollar o‘rtasida o‘tkazilgan -55 kilogramm vazn toifasidagi bahslar terma jamoamiz uchun omadli yakunlandi.
Ushbu vaznda yurtimiz sharafini himoya qilgan vakilamiz Muattar Nabiyeva musobaqada 3 ta bronza medaliga sazovor bo‘ldi. Andijonlik atletimiz dast ko‘tarishda 88 kg, siltab ko‘tarishda 111 kg va ikki kurash yakuni bo‘yicha esa 199 kilogramm bilan har bir yo‘nalishda uchinchi natijani qayd etgan.
Og‘ir atletika bo‘yicha Jahon kubogi.
Ayollar, -55 kg
1. Vansion Jang (Xitoy) – 212 kg (96 kg + 116 kg)
2. Siyun Liao (Xitoy) – 210 kg (95 kg + 115 kg)
3. Muattar Nabiyeva (O‘zbekiston) – 199 kg (88 kg + 111 kg) …
5. Nigora Abdullayeva (O‘zbekiston) – 169 kg (77 kg + 92 kg)
Bugun bo‘lib o‘tadigan bahslar doirasida Sarvarbek Zafarjonov (-89 kg), Kumushxon Fayzullayeva (-64 kg) hamda Nigora Suvonova (-71 kg) kabi vakillarimiz ham ishtirok etishadi.
