Italiyaning "Inter" klubi bosh murabbiyi Antonio Konte "Barselona" klubiga qarshi bo‘lib o‘tgan uchrashuv haqidagi fikrlari bilan o‘rtoqlashdi.
"G‘alaba qozonishga imkoniyatimiz bo‘ldi, chunki, ko‘plab vaziyatlar yaratdik, ammo ulardan foydalana olmadik.Futbolchilarimizga hech qanday e’tirozim yo‘q, ular bor kuchlari bilan harakat qilishdi.Bizga shunchaki gol yetishmadi. Gol urish o‘rniga uchrashuv oxirlarida gol o‘tkazib yubordik, bu esa bizni “o‘ldirdi”.
Ansu Fatining golini tomosha qilish og‘riqli bo‘ldi. Aynan shu gol bizni “o‘ldirdi”. Hisobda oldinga chiqib olish uchun raqibga bosim o‘tkazdik, vaziyatlar sodir etdik."San-Siro"ga yig‘ilgan muxlislar bizni uchrashuv boshida to oxirigacha ajoyib muhit yaratishib, bizni oldinga chorlashdi, afsuski ularni xursand eta olmadik.Barchasi boshqacha yakunlanishi mumkin edi...
O‘ylaymanki, guruhda bundan ortig‘iga loyiq edik. Guruhdan chiqishni juda xohlagandik, shu bois juda g‘azabdaman. Biroq, men futbolchilarga boshni qaytadan ko‘tarish kerakligini uqtirdim", - dedi murabbiy.













