Fransiyaning PSJ klubi hujumchi Neymar “Galatasaray” klubiga qarshi uchrashuvdagi penaltini Edinson Kavaniga u bilan yarashish uchun bermaganligini ta’kidlab o‘tdi.
— Men kim bilan yarashish uchun penalti tepishdan voz kechmadim. Men uchun birinchi navbatda jamoa manfaati turadi. Futbolda individuallikka o‘rin yo‘q. Aks holda men tennis o‘ynagan bo‘lardim. Futbolda hamma o‘zini baxtli his qilishi kerak. O‘ylaymanki, bu Kavaniga juda kerak edi. Yakunda barcha hujumchilar gol kiritishdi, Kavani gol kiritdi va barchamiz baxtlimiz, —Neymarning so‘zlaridan iqtibos keltirmoqda Esporte Interativo.