Франциянинг ПСЖ клуби ҳужумчи Неймар “Галатасарай” клубига қарши учрашувдаги пенальтини Эдинсон Каванига у билан ярашиш учун бермаганлигини таъкидлаб ўтди.
— Мен ким билан ярашиш учун пенальти тепишдан воз кечмадим. Мен учун биринчи навбатда жамоа манфаати туради. Футболда индивидуалликка ўрин йўқ. Акс ҳолда мен теннис ўйнаган бўлардим. Футболда ҳамма ўзини бахтли ҳис қилиши керак. Ўйлайманки, бу Каванига жуда керак эди. Якунда барча ҳужумчилар гол киритишди, Кавани гол киритди ва барчамиз бахтлимиз, —Неймарнинг сўзларидан иқтибос келтирмоқда Esporte Interativo.