Londonning "Chelsi" klubi bosh murabbiyi Frenk Lempard "Bornmut" klubidan qabul qilib olingan mag‘lubiyatdan keyingi fikrlari bilan o‘rtoqlashdi.
"Juda ham g‘azabdaman. Ketma-ket qo‘lga kiritilgan 7 ta g‘alabadan keyin noxush fikrlarga e’tibor bermadim. Baho berishda ko‘proq o‘zimni tutdim, chunki, hali ko‘p ish qilishimiz kerakligini bilardim. Bugun bu o‘zining yorqin tasdig‘ini topdi.
Agar bugungi kunda "Vest Xem", "Everton" yoki "Bornmut" singari yaxshiroq raqibga duch kelsak, biz boshqa usullarni qo‘llashimiz kerak, ammo shu paytda biz bu muvaffaqiyatga erisha olmadik.Bu o‘z navbatida stadionda va jamoaning ichki muhitida keskinlikni oshiradi” dedi murabbiy.