Angliya terma jamoasi sobiq hujumchisi Maykl Ouen professional futbolchilarning faoliyati yakuniga yetib borayotgan pallada ko‘pincha hayoti yomon tomonga o‘zgarib ketishini mumkinligini aytib o‘tdi.

— Siz faoliyatingizni yakunlaganingizda ish beruvchilar uchun va futbolchi uchun hech kimga aylanasiz, buni tushunish juda qiyin. Faoliyatingizni yakunlaganingizdan keyin nimalar sodir bo‘lishini ko‘rish juda hayratlanarli. Nikohingiz qayerga ketyapti, moddiy va man’aviy tomonlama qanday vaziyatdasiz, bularni tushunish juda mushkul.

Bu ruhiyat uchun eng xavfli sport turi. Agar siz avval biznes qilishni boshlamagan bo‘lsangiz yoki ishlash uchun biror reja tuzmagan bo‘lsangiz – 33 yoshda siz nafaqaga chiqasiz. Men futbol o‘ynayotgan paytimda biznes va boshqa narsalar bilan shug‘ullanganman va hozir moliyaviy ahvolim yaxshi, lekin ko‘p futbolchilarni ko‘rib turaman va ularning taqdiri ko‘ngilni xira qiladi.

20 yoshga to‘lgunga qadar men dunyoning eng yaxshi futbolchilaridan biri edim.Biroq, siz jarohat olsangiz yoki biror ko‘ngilsizlik sodir bo‘lsa, u holda keraksiz buyumga aylanasiz. Mendan bunday narsa sodir bo‘lmaganidan xursandman, 19 yoshligimda ko‘p narsalarni qo‘lga kiritdim va 21 yoshimda “Oltin to‘p” bilan taqdirlandim, — dedi Ouen.

Oeun futbolchilik faoliyatini 33 yoshda tugatgan. U 485 ta uchrashuvda 255 ta gol kiritishga muvaffaq bo‘lgan.