Англия терма жамоаси собиқ ҳужумчиси Майкл Оуэн профессионал футболчиларнинг фаолияти якунига етиб бораётган паллада кўпинча ҳаёти ёмон томонга ўзгариб кетишини мумкинлигини айтиб ўтди.

— Сиз фаолиятингизни якунлаганингизда иш берувчилар учун ва футболчи учун ҳеч кимга айланасиз, буни тушуниш жуда қийин. Фаолиятингизни якунлаганингиздан кейин нималар содир бўлишини кўриш жуда ҳайратланарли. Никоҳингиз қаерга кетяпти, моддий ва манъавий томонлама қандай вазиятдасиз, буларни тушуниш жуда мушкул.

Бу руҳият учун энг хавфли спорт тури. Агар сиз аввал бизнес қилишни бошламаган бўлсангиз ёки ишлаш учун бирор режа тузмаган бўлсангиз – 33 ёшда сиз нафақага чиқасиз. Мен футбол ўйнаётган пайтимда бизнес ва бошқа нарсалар билан шуғулланганман ва ҳозир молиявий аҳволим яхши, лекин кўп футболчиларни кўриб тураман ва уларнинг тақдири кўнгилни хира қилади.

20 ёшга тўлгунга қадар мен дунёнинг энг яхши футболчиларидан бири эдим.Бироқ, сиз жароҳат олсангиз ёки бирор кўнгилсизлик содир бўлса, у ҳолда кераксиз буюмга айланасиз. Мендан бундай нарса содир бўлмаганидан хурсандман, 19 ёшлигимда кўп нарсаларни қўлга киритдим ва 21 ёшимда “Олтин тўп” билан тақдирландим, — деди Оуэн.

Оэун футболчилик фаолиятини 33 ёшда тугатган. У 485 та учрашувда 255 та гол киритишга муваффақ бўлган.