Andijon shahrida bo‘lib o‘tgan O‘zbekiston Respublikasi Konstitusiyasining 27 yilligi munosabati bilan tashkil etilgan turnirda 16 ta jamoa ishtirok etdi. 2007-2008 yillarda tug‘ilgan bolalar o‘rtasida bo‘lib o‘tgan turnirda Namangan, Farg‘ona, Andijon va Qirg‘iziston Respublikasining 5 ta jamoasi ishtirok etdi.
Qiziqarli va keskin kurashlar ostida o‘tgan uchrashuvlar muxlislarda yaxshi tasuroot qoldirdi. Finalda “Andijon futbol liseyi” futbolchilari va “Andijon ixtisoslashtirilgan bolalar va o‘smirlar sport maktabi” futbolchilari bahs olib borishdi.
Turnir yakuniga ko‘ra, “Andijon futbol liseyi” futbolchilari finalda g‘olib chiqib, birinchi o‘rinni egallagan bo‘lsa, ikkinchi o‘rin “Andijon ixtisoslashtirilgan bolalar va o‘smirlar sport maktabi” futbolchilariga nasib etdi. Uchinchi o‘rinni esa Qirg‘iziston Respublikasining “Oq Tulpor” futbolchilari egalladi.
G‘olib jamoalarga Andijon viloyati futbol assossiasiyasi vise-prezidenti Bekzod Karimov va Andijon viloyat jismoniy tarbiya va sport boshqarmasi boshlig‘i O‘tkirbek Toshpo‘latovlar esdalik sovg‘alarini topshirishdi.