Angliyaning «Manchester Siti» klubi bosh murabbiyi Xosep Gvardiola kelajakdagi rejalari borasida aniq bir to‘htamga kelmadi.
Express nashrining tarqatgan ma’lumotiga qaraganda, Kataloniyaning «Barselona» klubi rahbariyati agar Gvardiola «Manchester Siti» klubini tark etadigan bo‘lsa, uni Kataloniyaga qaytarishga urinib ko‘radi.
Joriy mavsumda «shaharliklar» APL chempionligini qo‘lga kiritish uchun poygadan deyarli chetga chiqdi, shu bois ispaniyalik mutaxassis yozda jamoani tark etmoqchi.
Gvardiola «Barselona» klubini 2008-2012 yillar davomida boshqarib kelgan. U jamoa bilan birgalikda uch marta Ispaniya chempionligini, ikki marta Ispaniya Kubogini, uch marta mamlakat Superkubogini, ikki martadan YECHL, Yevropa Superkubogini va klublar o‘rtasidagi JCHda g‘olib chiqqan.