Англиянинг «Манчестер Сити» клуби бош мураббийи Хосеп Гвардиола келажакдаги режалари борасида аниқ бир тўҳтамга келмади.
Express нашрининг тарқатган маълумотига қараганда, Каталониянинг «Барселона» клуби раҳбарияти агар Гвардиола «Манчестер Сити» клубини тарк этадиган бўлса, уни Каталонияга қайтаришга уриниб кўради.
Жорий мавсумда «шаҳарликлар» АПЛ чемпионлигини қўлга киритиш учун пойгадан деярли четга чиқди, шу боис испаниялик мутахассис ёзда жамоани тарк этмоқчи.
Гвардиола «Барселона» клубини 2008-2012 йиллар давомида бошқариб келган. У жамоа билан биргаликда уч марта Испания чемпионлигини, икки марта Испания Кубогини, уч марта мамлакат Суперкубогини, икки мартадан ЕЧЛ, Европа Суперкубогини ва клублар ўртасидаги ЖЧда ғолиб чиққан.