Rimning «Lasio» klubi bosh murabbiyi Simone Indzagi «Kalyari» (2:1) klubi ustidan qozonilgan g‘alaba haqidagi fikrlari bilan o‘rtoqlashdi.
— O‘ylaymanki, uchrashuv juda qiyin o‘tdi, chunki o‘tkazib yuborilgan goldan keyin biroz sarosimaga tushib qoldik. So‘nggi daqiqalarda qo‘lga kiritilgan g‘alabaga haqli ekanligimizni his qilyapman. O‘yinchi almashtirishlar reja ostida bo‘ldi. «Kalyari»ni oldida shlyapamkni yechaman, chunki ularni mag‘lub etish juda mushkul ish. O‘ylashimcha, haqli g‘alabaga erishdik, chunki jamoam g‘alaba qozonish uchun bor kuchi bilan mehnat qildi, — dedi Indzagi Sky Sport Italia portaliga bergan intervyusida.













