Римнинг «Лацио» клуби бош мураббийи Симоне Индзаги «Кальяри» (2:1) клуби устидан қозонилган ғалаба ҳақидаги фикрлари билан ўртоқлашди.
— Ўйлайманки, учрашув жуда қийин ўтди, чунки ўтказиб юборилган голдан кейин бироз саросимага тушиб қолдик. Сўнгги дақиқаларда қўлга киритилган ғалабага ҳақли эканлигимизни ҳис қиляпман. Ўйинчи алмаштиришлар режа остида бўлди. «Кальяри»ни олдида шляпамкни ечаман, чунки уларни мағлуб этиш жуда мушкул иш. Ўйлашимча, ҳақли ғалабага эришдик, чунки жамоам ғалаба қозониш учун бор кучи билан меҳнат қилди, — деди Индзаги Sky Sport Italia порталига берган интервьюсида.













