O‘zbekistonlik ikki bokschi professional boksda jang qiladigan bo‘ldi. Bu haqda “Olamsport” nashri xabar bermoqda.

Ma’lum qilinishicha, boks bo‘yicha O‘zbekiston chempioni Odiljon Aslonov 21 dekabr kuni prof ringda debyut qildi. 

Odiljon professional ringdagi debyut jangini rossiyalik Varazdat Chernikovga qarshi o‘tkazadi. Chernikov shu kungacha prof boksda 25 marotaba jang qilib, ularning 11 tasida g‘alaba qozongan (5 ta nokaut). 14 ta jangda esa mag‘lub bo‘lgan (9 ta nokaut).

Shuningdek, prof boksga qaytgan Rio Olimpiadasi sovrindori Rustam To‘laganov ham 21 dekabr kuni jang qiladi. Rustam o‘sha kuni rossiyalik Konstantin Piternovga qarshi ringga ko‘tariladi.

Eslatib o‘tamiz, Rustam 2017 yili professional boksda debyut qilgan va AQSHda Robert Guyerrani nokautga uchratgandi. Piternov esa shu kungacha 44 marotaba professional jang o‘tkazgan. Ularning 21 tasida g‘alaba qozongan (10 ta nokaut). 23 marotaba mag‘lub bo‘lgan (10 ta nokaut).

Ma’lumot o‘rnida, 21 dekabr kuni Rustam To‘laganov bir kunda o‘zbekistonlik bokschi Odiljon Aslonov bilan ringga ko‘tariladi. Jang Rossiya Federasiyasining Krasnoyarsk shahrida tashkil etiladi. Oqshomning markaziy jangida Denis Lebedev JAR vakili Tabiso Mchunuga qarshi ringga ko‘tariladi.