Germaniya chempionatining 17-turi doirasida markaziy o‘yin Dortmunddagi «Signal Iduna Park» stadionida bo‘lib o‘tadi. Jadvalda 3-o‘rinda borayotgan «Borussiya» o‘z uyida peshqadam «Leypsig»ni qabul qildi.

Birinchi bo‘lim o‘rtalarida mezbonlar ikkita gol urib, oldinga o‘tib olishdi. Ikkinchi taym boshida esa Timo Verner raqib darvozasiga 2 marta yo‘l topib, muvozanatni tiklab qo‘ydi.

Oradan ikki daqiqa o‘tib, Jeydon Sancho "Dortmund"ni yana oldinga olib chiqdi. O‘yin tugashiga 13 daqiqa qolganida esa Patrik Shik hisobni tenglashtirdi.

Shu tariqa, "Leypsig" o‘z ochkolarini 34taga yetkazib, peshqadamlikni saqlab qoldi. "Borussiya D" esa 30 ochko bilan 3-pog‘onada qoldi.

Germaniya chempionati, 17-tur
Borussiya D – RB Leypsig 3:3 (2:0, 1:3)
Gollar: 1:0 – 23 Vaygl, 2:0 – 34 Brandt, 2:1 – 47 Verner, 2:2 – 53 Verner, 3:2 – 55 Sancho, 3:3 – 77 Shik.
Borussiya D – Byurki, Akanji, Xummels, Zagadu, Xakimi, Vaygl, Brandt, Gerreyru (Shuls, 84), Azar, Roys, Sancho (Pishchek, 71).
RB Leypsig – Gulachi, Mukiyele, Klostermann, Upamekano, Xalstenberg, Demme, Zabitser (Mateus Kunya, 70), Laymer, Forsberg (Nkunku, 46), Poulsen (Shik, 62), Verner.