AQSHning MLS chempionatida ishtirok etish uchun 30-klub paydo bo‘ldi deya xabar tarqatmoqda ESPN.
"Karolina Panters" Amerika futboli (NFL) jamoasi xo‘jayini Devid Tepper MLSda ishtirok etish uchun kerak bo‘lgan 325 million dollar tovon pulini to‘ladi va yangi jamoa ishtirok etishiga ruxsat oldi. Yangi jamoa Sharlott shahrida barpo etiladi. Shahar hokimiyati yangi jamoa tuzish uchun 110 million dollar ajratadigan bo‘ldi. 30-klub MLSdagi so‘nggi jamoa bo‘lishi kutilmoqda. Sharlott shahrida barpo etilishi kutilayotgan jamoa 2021 yildan ishtirok etishni boshlaydi.