Madridning “Real” klubi rasmiy sayti “Barselona” klubiga qarshi o‘yinda VARning natijalari haqida rasmiy bayonot tarqatdi. "Qaymoqranglilar"ning hisoblashicha, birinchi bo‘limda Varanga nisbatan ikki marta qo‘pollik qilingan.
"Varan ikkita bahsli vaziyatga ishtirok etdi, biroq hakam Ernandes Ernandes bu vaziyatlarga e’tibor qaratmadi. Uchrashuvning 17-daqiqasida Langle burchakdan to‘p o‘yinga kiritilayotgan pallada Varanga nisbatan qo‘pollik qildi, ammo, na hakam, na VAR bu qo‘pollikni penalti deb hisoblamadi. Oradan ikki daqiqa o‘tgach, Ivan Rakitich Varanni futbolkasidan tortib qoldi va futbolchimiz raqib jarima maydonchasi ichida yiqildi, ammo bu safar ham na hakam, na VAR bu vaziyatda penalti belgilamadi", — deyiladi “qaymoqranglilar” bayonotida.