Мадриднинг “Реал” клуби расмий сайти “Барселона” клубига қарши ўйинда VARнинг натижалари ҳақида расмий баёнот тарқатди. "Қаймоқранглилар"нинг ҳисоблашича, биринчи бўлимда Варанга нисбатан икки марта қўполлик қилинган.
"Варан иккита баҳсли вазиятга иштирок этди, бироқ ҳакам Эрнандес Эрнандес бу вазиятларга эътибор қаратмади. Учрашувнинг 17-дақиқасида Лангле бурчакдан тўп ўйинга киритилаётган паллада Варанга нисбатан қўполлик қилди, аммо, на ҳакам, на VAR бу қўполликни пенальти деб ҳисобламади. Орадан икки дақиқа ўтгач, Иван Ракитич Варанни футболкасидан тортиб қолди ва футболчимиз рақиб жарима майдончаси ичида йиқилди, аммо бу сафар ҳам на ҳакам, на VAR бу вазиятда пенальти белгиламади", — дейилади “қаймоқранглилар” баёнотида.