“Everton” klubi bosh murabbiyi Karlo Anchelotti mersisaydliklar shvesiyalik hujumchi Zlatan Ibrohimovich bilan shartnoma imzolashi borasidagi savollarga javob qaytardi.
“Ibrohimovich mening do‘stim sanaladi. Men ko‘plab mashxur futbolchilar bilan birga ishlaganman, bundan xursandman. Zlatanning MLSdagi sayoxati yakunlandi, lekin men uning kelajakdagi rejalari haqida bilmayman. Balki unga qo‘ng‘iroq qilarman. Agar u “Everton”ga o‘tishni xohlasa men xursand bo‘laman”, deya Anchelotti so‘zlaridan iqtibos keltirmoqa Sky Sports.
Eslatib o‘tamiz, 38 yoshli futbolchining “Los-Anjeles Gelaksi” bilan amaldagi shartnomasi 31 dekabr kuni nihoyasiga yetadi.