BAAda yig‘in olib borayotgan futbol bo‘yicha O‘zbekiston Olimpiya terma jamaosi bugun iroqlik tengdoshlariga qarshi ikkinchi o‘rtoqlik uchrashuvida maydonga tushdi. Dastlabki o‘yinda bo‘lgani kabi raqibidan har tomonlama ustunlik qilgan hamyurtlarimiz bu o‘yinda ham ishonchli g‘alabaga erishdi.
O‘zbekiston U-23 - Iroq U-23 3:1
Gollar: Sherzod Nasrullayev (41), Mirjahon Mirahmadov (44), Hojiakbar Alijonov (87) - Muntadar Sattor (45+1).
Jamoamiz shuning bilan BAAdagi yig‘inni davom ettiradi va 2020 yilning ilk kunlaridan o‘sha yerning o‘zidan Tailandga jo‘nab ketadi. Vakillarimiz Tailandda 9 yanvargacha tayyorgarlikning so‘nggi bosqichini olib borishadi.
