Ushbu ruknimizga oid eng so‘nggi yangiliklar bilan o‘rtoqlashishda davom etamiz.
“Inter” va “Barselona” kelisha olmayapti
Milanning “Inter” jamoasi Katoloniyaning “Barselona”klubi yarim himoyachisi Arturo Vidal borasida o‘zining so‘nggi taklifini yubordi.
Italiyaliklar yarim himoyachi uchun 12 million yevrodan ko‘p bermasliklarini rasman tasdiqlashgan. Bu taklifga javoban “Barsa” Vidal uchun 20 million tavon puli talab qilmoqda. “Calciomercato” nashri bergan xabarlarga ko‘ra, vaziyat shu tempda davom etsa, Vidalning Italiyaga qaytishi barbod bo‘lishi aniq.
Eslatib o‘tamiz, Artori Vidal ushbu mavsumda “La Liga”ning 14 ta o‘yinidan ishtirok etdi va o‘z hisobiga 5 ta gol yozib qo‘ydi.
“Bayer” “Arsenal”ga rad javobini berdi
Germaniyaning “Bayer” klubi o‘z hujumchisi Kevin Follandni sotishdan bosh tortmoqda.
“Sky Sport” nashri bergan xabarlarga ko‘ra. Futbolchi uchun APLning bir nechta top klublari xaridor bo‘lib turibdi. Ular orasidagi “Arsenal” esa, allaqachon rasmiy taklif bilan chiqishga ham ulgurgan. Manba bergan ma’lumotga ko‘ra, leverkuzenliklar “Arsenal”ning 40 million yevrolik takliflarini qabul qilishmagan.
Eslatib o‘tamiz, Kevin Folland ushbu mavsumda Bundesliganing 17 ta uchrashuvida maydonda harakat qildi va o‘z hisobiga 5 ta gol yozib qo‘ydi. Shuningdek 7 ta golli uzamani ham amalga oshirgan.
“Milan”ni milliarder xarid qilishi mumkin
Amerikalik mashxur ishbilarmon Bernar Arno Italiyaning “Milan” jamoasining yangi xo‘jayini bo‘lishi mumkin. Bu haqida FootMercato nashri xabar tarqatmoqda.
“Milan” jamoasining ayni damdagi egasi Elliot Management kompaniyasi klubni 1,2 milliyard yevrodan kamiga sotmoqchi emas.
Arno esa, ushbu narxni 950 million yevroga qadar tushurishni rejalashtirmoqda. Agarda, tomonlar kelishuvga erishsa, tez orada “Milan” yana oyoqqa turishi hech gap emas.
Draksler ortga qaytmoqchi
Parijning PSJ klubi yarim himoyachisi Yulian Draksler qishki transferlar chog‘ida o‘z jamoasini o‘zgartirishga juda yaqin turindi.
Ma’lumotlarga qaraganda, futbolchining o‘zi klubdagi o‘rnidan norozi. O‘yin amaliyotisiz qolib ketayotgani bois, o‘zini ijaraga berishlarini so‘ragan. Hozircha, PSJ rahbarlari uning kelajagi borasida bir qarorga kelganicha yo‘q.
Ayni damda Drakslerning hizmatlariga Bundesliganing bir nechta klublaridan taliflar mavjud. Ular orasida futbolchining sobiq klubi «Shalke» va «Volfsburg» ham mavjud.
Eslatib o‘tamiz, Yulian ushbu mavsumda parijliklar libosida 6 ta uchrashuvda ishtirok etgan va 2 ta samarali uzatmani amalga oshirgan.
Zidan va Mourinyo futbolchi almashadi
“Madridning “Real” jamoasi kelasi hafta so‘ngida o‘z yarim himoyachisini “Tottenhem”futbolchisi bilan almashtiradi”-deb xabar tarqatmoqda "Dailiy Mirror” nashri.
Manba bergan ma’lumotlarga ko‘ra, tomonlar o‘z pleymeykerlari Isko va Eriksonni almashtirishni rejalashtirishmoqda. Isko ayni damda asosiy tarkibdagi o‘rnini tiklayotgan bo‘lsada, ketishga qarshi emas, Erikson “Real Madrid”ga o‘tish uchun har qanday maosh evaziga ham to‘p surishga tayyor. Shunday ekan, tez orada qishki transferlar bozoridagi ilk katta “savdo”ga guvoh bo‘lishimiz tobora aniqlashib bormoqda. Jiru Shomurodov to‘p surayotgan chempionatga yo‘l olishi mumkin
