Angliyaning «Manchester Siti» klubi sobiq ijrochi direktori Garri Kuk klub xato tufayli «Barselona»ga Lionel Messini sotib olish uchun taklif yuborgani haqida so‘zlab berdi. Ushbu tarix 2008 yili sodir bo‘lgan edi.

— Biz Londondagi konferensiyada ishtirok etgandik. Pairoy Pyemposan (klub xo‘jayining yordamchisi) va Pol Oldridjlar o‘rtasidagi munosabat iliq bo‘lgan va ular telefon orqali suhbatlashishgan. Pol o‘zining londoncha talaffuzi bilan gapiryapti: «Pairoy, sen bizga nima qilishimiz kerakligini aytishing kerak, vaziyat nazorat ostidan chiqib ketyapti». Pairoy esa qayerdadir olayotgan edi va javob berdi: «Ha, to‘g‘ri! Bu tartibsizlik. Butunlay tartibsizlik (ingliz tilida. — «very messy»)».

Pol xato sabab: «Biz Messini sotib olishimiz kerak» deb eshitib oldi. Shundan so‘ng u menga klubning maqsadini tushunmayotganini aytdi. Keyin unga Messiga taklif jo‘nataverish kerakligini, qolganini keyin ko‘rishimizni aytdim.

Keyingi kun menga Premyer-ligadan Deyv Richards qo‘ng‘iroq qildi: «Sizlar Lionel Messi bo‘yicha taklif yubordinglarmi? U uchun 70 million funt to‘lashga tayyormisizlar? Sen aqldan ozganmisan?»-dedi. Uning aytishiga qaraganda, unga “Barselona” klubidan qo‘ng‘iroq qilishib, bu taklif qanchalik haqiqatgan yaqin ekanligini haqida so‘rashgan ekan. O‘shanda Deyvga agar bu taklif jiddiy bo‘lsa, transferni keyingi haftadayoq amalga oshirib yuborishlari mumkinligi haqida aytishgan ekan, — Kukning so‘zlaridan iqtibos keltirmoqda talksport.

Eslatib o‘tamiz, 2008 yili Messining transfer narxi 55 million yevroni tashkil etardi.