Англиянинг «Манчестер Сити» клуби собиқ ижрочи директори Гарри Кук клуб хато туфайли «Барселона»га Лионель Мессини сотиб олиш учун таклиф юборгани ҳақида сўзлаб берди. Ушбу тарих 2008 йили содир бўлган эди.

— Биз Лондондаги конференцияда иштирок этгандик. Паирой Пьемпосан (клуб хўжайининг ёрдамчиси) ва Пол Олдриджлар ўртасидаги муносабат илиқ бўлган ва улар телефон орқали суҳбатлашишган. Пол ўзининг лондонча талаффузи билан гапиряпти: «Паирой, сен бизга нима қилишимиз кераклигини айтишинг керак, вазият назорат остидан чиқиб кетяпти». Паирой эса қаердадир олаётган эди ва жавоб берди: «Ҳа, тўғри! Бу тартибсизлик. Бутунлай тартибсизлик (инглиз тилида. — «very messy»)».

Пол хато сабаб: «Биз Мессини сотиб олишимиз керак» деб эшитиб олди. Шундан сўнг у менга клубнинг мақсадини тушунмаётганини айтди. Кейин унга Мессига таклиф жўнатавериш кераклигини, қолганини кейин кўришимизни айтдим.

Кейинги кун менга Премьер-лигадан Дэйв Ричардс қўнғироқ қилди: «Сизлар Лионель Месси бўйича таклиф юбордингларми? У учун 70 миллион фунт тўлашга тайёрмисизлар? Сен ақлдан озганмисан?»-деди. Унинг айтишига қараганда, унга “Барселона” клубидан қўнғироқ қилишиб, бу таклиф қанчалик ҳақиқатган яқин эканлигини ҳақида сўрашган экан. Ўшанда Дэйвга агар бу таклиф жиддий бўлса, трансферни кейинги ҳафтадаёқ амалга ошириб юборишлари мумкинлиги ҳақида айтишган экан, — Кукнинг сўзларидан иқтибос келтирмоқда talksport.

Эслатиб ўтамиз, 2008 йили Мессининг трансфер нархи 55 миллион еврони ташкил этарди.