«Chelsi» bosh murabbiyi Frenk Lempard Angliya premyer-ligasining 21-turi doirasida bo‘lib o‘tgan «Brayton» o‘yin (1:1) borasida o‘z fikrlarini bildirib o‘tdi.

«Bir nechta sabablarga ko‘ra hafsalam pir bo‘ldi. Birinchi bo‘limda o‘yin taqdirini hal qilishimiz kerak edi, ammo biz raqibga nisbatan yetarli darajada shafqatsiz bo‘lmadik.

Gol urdik, to‘pni nazorat qildik, ammo intrigani yo‘qqa chiqara olmadik. Natijada «Brayton»ning o‘yinda qolishiga imkon berdik. Yakunda esa mo‘’jiza-gol ro‘y berdi. Tag‘inam omadimiz keldi, aks holda bu o‘yinni boy berishimiz ham mumkin edi.

O‘yin so‘ngida har ikkala jamoa bir xil taktikada o‘ynadi, lekin raqib yaxshiroq harakat qildi. Ruhan tushkunlikka tushmasligimiz kerak.

Barqarorlik yetishmayotgani xavotirga soladi. Bunga e’tibor qaratish kerak. Bu o‘yinni tahlil qilamiz. Biz bir ochkoni qo‘lga kiritdik, ammo o‘yindan qoniqmadim», – dedi Lempard.