Angliyaning "Manchester Yunayted" klubi bosh murabbiyi Ole Gunnar Sulsher Jessi Lingardning jamoani tark etishi haqidagi mish-mishlarga o‘z munosabatini bildirdi.
"Avval ham aytib o‘tganman, Jessida past-balandliklar bor. "Siti" va "Tottenxem" klublariga qarshi o‘yinda u biz uchun naqadar muhim futbolchi ekanligini ko‘rsatdi.
Albatta, biz uni qaytishini, gollar kiritishini va golli paslarni amalga oshirishini xohlaymiz. Hech kim Jessi kabi ko‘p yugura olmaydi. U pressingda ham ajoyib ishlaydi.
Siz ijtimoiy tarmoqlarda ko‘rmayapsiz, Jessi avvalgidek juda ko‘p ishlamoqda. U o‘z saviyasiga qaytadi", - Sulsherning so‘zlaridan iqtibos keltirmoqda Sky Sports.