Italiya chempionatining 18-turi doirasida markaziy o‘yin bo‘lib o‘tdi. "Napoli" maydoniga safar uyushtirgan "Inter" klubi ishonchli g‘alabani qo‘lga kiritdi.

Bahsning 14-daqiqasida Lukaku hisobni ochgan bo‘lsa, 33-daqiqada Romeluning o‘zi farqni ikkitaga oshirdi.

Oradan ko‘p o‘tmasdan Arkadiush Milik mezbonlarning birinchi golni urdi. Ikkinchi bo‘lim o‘rtalarida esa Lautaro Martines "Inter"ning uchinchi to‘pini raqib darvozasiga joyladi.

Ushbu g‘alabadan keyin "neradzurri" ochkolar bo‘yicha "Yuventus" bilan tenglashib oldi va to‘plar farqiga ko‘ra peshqadamlik qilishda davom etadi.

Italiya A seriyasi, 18-tur
Napoli – Inter 1:3 (1:2, 0:1)
Gollar: 0:1 – 14 Lukaku, 0:2 – 33 Lukaku, 1:2 – 39 Milik, 1:3 – 62 Martines.
Napoli – Meret, Xyusay (Losano, 81), Manolas, Di Lorenso, Mariu Ruy, Allan, Fabian Ruis (Lyorente, 84), Zelinski, Kalyexon, Milik, InsinYE.
Inter – Xandanovich, Shkrinyar, de Vrey, Bastoni, Kandreva, Vesino (Sensi, 73), Brozovich, Galyardini (Barella, 56), Biragi, Lukaku (Valero, 88), Martines.
Ogohlantirishlar: Kandreva (29), Barella (61), Espozito (71), Sensi (82), Shkrinyar (83).