Taniqli sharhlovchi va jurnalist Diyor Imomxo‘jayev faoliyatini yakunlagan De Rossi haqida fikr bildirdi.
"Bo‘rining sadoqatiga ishonsa bo‘ladi. U albatta sizga sadoqat qilmaydi, uning sadoqati o‘z uyiga va oilasiga nisbatan ko‘rinadi. Sizga sadoqat qilmagani uchun ham uni sirkda o‘ynata olmaysiz.
Roma — haqiqiy bo‘rilar jamoasi. Bu jamoaning sadoqat timsoli Totti futbol bilan xayrlashganiga ko‘p bo‘lmagandi. Endi Daniele De Rossi ham butsalarini mixga ildi. Ular haqiqiy bo‘ri kabi o‘z oilalariga sadoqat ko‘rsatishdi, ular million-million dollarlarga uchib, boshqa arenalarga uchib ketishmadi", -deya yozmoqda Imomxo‘jayev telegram kanalida.
