Biroz avval yakunlangan O‘zbekiston va Xitoy OTJ bahsidan so‘ng an’anaga muvofiq ikki jamoa murabbiylari ishtirokida matbuot-anjumani tashkil etildi. Dastlab anjumanga xitoyliklar murabbiyi Xao Vei tashrif buyurdi va o‘yin haqida o‘z taassurotlarini bildirib o‘tdi.
“Bizning raqibimiz chiroyli o‘yin namoyish etdi. Birinchi o‘yindan keyin tarkibda yo‘qotish bo‘lgan edi. Asosiy hujumchimizning jarohat olgani bugungi o‘yiynga o‘z ta’sirini o‘tkazmay qolmadi. Bu o‘yindan keyin Olimpiya yo‘llanmasini qo‘ldan boy berdik. Endi kurash Osiyoning TOP jamoalari o‘rtasida kechadi. Bu musobaqa o‘z ustimizda ishlashimiz kerakligini ko‘rsatib berdi. So‘nggi so‘zim sifatida bizni qo‘llab kelgan muxlislarga tashshakur aytib qolaman”, – dedi Xao Vei.
Eslatib o‘tamiz, Xitoy jamoasi guruhdagi so‘nggi o‘yinni 15 yanvar kuni Eron OTJga qarshi o‘tkazadi va bu ular uchun amalda hech qanday ahamiyatga ega emas.
