23 yoshlilar o‘rtasidagi Osiyo chempionatining 2-tur doirasidan o‘rin olgan Xitoy hamda O‘zbekiston olimpiya terma jamoalari o‘rtasidagi o‘yin bo‘lib o‘tdi.
Mazkur bahsda olimpiyachilarimiz 2:0 hisobida zafar quchishdi. Uchrashuvdan so‘ng butun o‘yin mobaynida faol harakat qilgan Ilhom Alijonov bilan suhbatlashdik.
“Bugun g‘alaba qzonishimiz shart edi. Sababi muxlislar bizdan faqat g‘alaba kutayotgan edi. O‘zimizni ham g‘alabadan boshqa natija qoniqtirmasdi. Eronga qarshi o‘yinda o‘yinimiz o‘xshamadi. Sekin-sekin o‘z o‘yinimizni topib bormoqdamiz.
Janubiy Koreyaga qarshi o‘yinda ham g‘alaba qozonib muxlislarimizni xursand qilamiz. Oldimizga olimpiada yo‘llanmasini qo‘lga kiritishni maqsad qilib qo‘yganmiz va bu maqsad yo‘lida jonimizni berishga ham tayyormiz. Qolaversa, biz amaldagi chempionmiz, sovrinni o‘zimizda qolishini xohlaymiz.
O‘zoq masofadan kelib bizni stadiondan qo‘llab-quvvatlab turgan, shuningdek oyna’i jahon orqali bizga muxlislik qilayotgan barchaga katta rahmat aytib qolaman”, deydi futbolchi o‘yindan so‘ng saytimizga bergan intervyusida
