23 ёшлилар ўртасидаги Осиё чемпионатининг 2-тур доирасидан ўрин олган Хитой ҳамда Ўзбекистон олимпия терма жамоалари ўртасидаги ўйин бўлиб ўтди.
Мазкур баҳсда олимпиячиларимиз 2:0 ҳисобида зафар қучишди. Учрашувдан сўнг бутун ўйин мобайнида фаол ҳаракат қилган Илҳом Алижонов билан суҳбатлашдик.
“Бугун ғалаба қзонишимиз шарт эди. Сабаби мухлислар биздан фақат ғалаба кутаётган эди. Ўзимизни ҳам ғалабадан бошқа натижа қониқтирмасди. Эронга қарши ўйинда ўйинимиз ўхшамади. Секин-секин ўз ўйинимизни топиб бормоқдамиз.
Жанубий Кореяга қарши ўйинда ҳам ғалаба қозониб мухлисларимизни хурсанд қиламиз. Олдимизга олимпиада йўлланмасини қўлга киритишни мақсад қилиб қўйганмиз ва бу мақсад йўлида жонимизни беришга ҳам тайёрмиз. Қолаверса, биз амалдаги чемпионмиз, совринни ўзимизда қолишини хоҳлаймиз.
Ўзоқ масофадан келиб бизни стадиондан қўллаб-қувватлаб турган, шунингдек ойнаъи жаҳон орқали бизга мухлислик қилаётган барчага катта раҳмат айтиб қоламан”, дейди футболчи ўйиндан сўнг сайтимизга берган интервьюсида
